Sipas një raporti parlamentar të deputetëve britanikë, rrjeti social “Facebook” i ka shkelur qëllimisht ligjet për privatësi dhe konkurrencë dhe duhet të jetë pjesë e hetimeve për shkelje të rregulloreve. Deputetët i kanë vlerësuar udhëheqësit e kësaj kompanie si banditë digjitalë.
Në raportin përfundimtar të komisionit për digjitalizim, kulturë, medie dhe sport, i cili është hartuar pas hetimeve që zgjatën 18 muaj, rrjeti social akuzohet për pengim të qëllimshëm të hetimeve dhe për dështim në parandalimin e ndikimit rus në zgjedhje.
“Demokracia është në rrezik nga sulmimi i qytetarëve me informata të rreme dhe reklama të personalizuara nga burime të paidentifikuara dhe të shpërndara përmes platformave kryesore të rrjeteve sociale”, tha shefi i këtij komisioni, Damian Collins.
Komisioni parlamentar e ka akuzuar shefin e Facebookut, Mark Zuckerberg, për përpjekje që t’i refuzojë tri kërkesa të parlamentit për marrje të dëshmive dhe i ka bërë thirrje qeverisë britanike që ta fillojë një hetim të pavarur për ndikimin e jashtëm në referendumin e Skocisë për pavarësi, referendumin për dalje të Britanisë nga BE-ja dhe zgjedhjet e përgjithshme të vitit 2017, shkruan “The Guardian”, transmeton Gazeta Express.
© SYRI.net
WhatsApp njofton për uljen e kufirit të moshës së përdoruesve në disa vende
10 serialet më të mira në Netflix që mund t’i shihni nga sot
Lufta ndaj varësisë, Florida ndalon rrjetet sociale për fëmijët nën 14 vjeç
Denonco
Merrni lajmet më të fundit nga SYRI.net në çdo moment dhe kudo që të jeni!
