Në kuadër të aktiviteteve kulturore të Shërbimit Korrektues për nder të shënjimit të njëzetvjetorit të themelimit në bashkëpunim me Qendren e Kulturës “Tahir Sinani” në Lipjan, ka hapur një ekspozitë me punimet artistike dhe artizanale të të burgosurve.
Paraprakisht ekspozita ishte hapur në Shtëpinë e Kulturës “Adem Jashari” në Istog, për të vazhduar në Lipjan dhe në Prishtinë. Në këto ekspozita po prezantohen punimet, në të cilat personat e burgosur shprehin botën e tyre të brendshme apo edhe pendimin në lidhje me atë që ka ndodhur.
Punimet e tyre paraqesin qartë, se këta persona tani mendojnë dhe sillen ndryshe, si dhe janë të përgatitur për riintegrimin e tyre në shoqëri.
© SYRI.net