Vdekja e regjisores Arzana Kraja ka tronditur gjithë ata që e kanë njohur.
E ngushëllime për vdekjen e parakohshme të saj kanë shprehur edhe komuniteti artistik, shkruan Syri Kosova.
Adriana Matoshi, Diellza Kolgeci, Blerta Deliu, Dukagjin Podrimaj, Maylinda Kosumoviç e Milot Hoxha janë vetëm disa nga emrat që kanë ndarë dhimbjen me vdekjen e regjisores.
Kujtojmë se Arzana e cila ishte vajza e kryetarit të Akademisë së Shkencave të Kosovës, Mehmet Kraja ka dhënë kontribut në fushën e kinematografisë.
Njihet për filmin “Fusha e mëllenjave”, që kishte hapur zyrtarisht edicionin e 11-të të PriFest.
Ky film ishte prodhim i shtëpisë kinematografike Circle Production (Kosovë – Besnik Krapi) në bashkëpunim me Britaninë e Madhe dhe Action Production (Shqipëri-Gerta Qurku). Ky film është përkrahur nga Qendra Kinematografike e Kosovës dhe nga Qendra Kombëtare e Kinematografisë, Shqipëri.
Problemet e një të burgosuri politik shqiptar, i cili e ka vështirë të jetojë me të kaluarën, ishin shfaqur në filmin debutues të regjisores Arzana Kraja.
“Fusha e mëllenjave” ishte pretendent për çmim edhe në ngjarjen prestigjioze të filmit ‘Berlinale’.
Arzana Kraja ishte skenariste dhe regjisore edhe e filmit të metrazhit të shkurtër “Shkurta”.
Ngushëllime familjes!
© SYRI.net
Filmi 'RRUGËS' nga Samir Karahoda, zyrtarisht në garën e filmave të shkurtë në Festivalin e Kanës
WhatsApp njofton për uljen e kufirit të moshës së përdoruesve në disa vende
10 serialet më të mira në Netflix që mund t’i shihni nga sot
Denonco
Merrni lajmet më të fundit nga SYRI.net në çdo moment dhe kudo që të jeni!
