Ndodh mrekullia: sopranoja e rrugëve shpëton prej varfërisë, përfiton kontratë pune

12:06, 03/10/2019

Zëri melodioz dhe qiellor i një gruaje u ngjit nëpër thellësitë e stacionit të metrosë së Wilshire-Normandie.

Një oficer policie në Los Angeles, i mahnitur nga bukuria e muzikës, iu afrua gruas së imët dhe e pyeti nëse mund ta regjistronte duke kënduar.

Video-ja, postuar në llogarinë e Twitter LQDP-së, është shikuar më shumë se 438,000 herë.

Postimi u bë viral dhe befas të gjithë donin të dinin se kush ishte gruaja.

Emily Zamourka thotë se mësoi të këndonte duke imituar interpretuesit e operës në TV kur ishte fëmijë në Rusi. 52-vjeçarja thotë se pas vitesh vështirësish financiare dhe probleme serioze shëndetësore, ajo është e pastrehë, duke fjetur aty ku mundet dhe duke jetuar me 400 dollarë në muaj me ndihmë sociale.

Të hënën në mëngjes, Zamourka i është ofruar një vend pune. 

Ajo do të këndojë të shtunën në mbrëmje në hapjen e ‘Italisë së Vogël’, një zonë në San Pedro ku do festohet trashëgimia kulturore italiane në Los Angeles. 

Veprimtaria u organizua nga Këshilltari Buscaino dhe ‘Italia e Vogël’ e Los Angeles Assn.

"Ajo ishte shumë e emocionuar, por unë mendoj se ishim ne më të emocionuar," tha Kvartuc. "Ne do ta trajtojmë atë si një yll."

LAPD, Buscaino dhe këshilltari politik Michael Trujillo janë duke punuar për t’i mundësuar Zamourka burime ushqimore dhe strehim. 

Një fushatë GoFundMe e filluar nga Trujillo ka mbledhur më shumë se 45,000 dollarë. Po ahtu sipas TMZ, prodhuesi i muzikës i nominuar nga Grammy Joel Diamond po i ofron këngëtares një kontratë regjistrimi me planet për të krijuar një "regjistrim të madh klasik për hitet e sopranos së metrosë".

Siti i lajmeve thotë se marrëveshja do të ishte që një album fillestar i quajtur "Parajsë" të lëshohej në etiketën e Z. Diamond, Silver Blue Records.

"Ëndrrat e mia janë gjithmonë atje, natyrisht," tha Zamourka. "Ndoshta do të bëhet e vërtetë këtë herë." F.H/SYRI.NET

© SYRI.net

Lexo edhe:

• Filmi 'RRUGËS' nga Samir Karahoda, zyrtarisht në garën e filmave të shkurtë në Festivalin e Kanës
• WhatsApp njofton për uljen e kufirit të moshës së përdoruesve në disa vende
• 10 serialet më të mira në Netflix që mund t’i shihni nga sot