Zef Përgega, autori nga Mirëdita ka promovuar librat e tij të fundit mes krijuesve e njohësve të veprave të tij. Autori u shpreh se Shqipëria është lot i fshehur e se e vetmja mënyrë për të mbërritur drejt integrimit në BE është përmes kulturës.
Nga SYRI TV
Prej 25 vitesh jeton në Shtetet e Bashkuara të Amerikës, por atdheun nuk e harron kurrë. Shkrimtari, studiuesi dhe publicisti mirditor Zef Përgega promovoi në Lezhë 6 librat e tij të fundit, si pjesë e një kolane prej 35 botimeve të këtij autori. Përgega përdori metaforën lot i fshehur për të personifikuar Shqipërinë.
Teksa flet për krijimtarinë letrare në tre vitet e fundit Zef Përgega thotë se në hapi i rëndësishëm për të mbërritur në Europë është kultura.
Në aktivitetin e organizuar morën pjesë studiues, shkrimtarë e poetë, të cilët vlerësuan prurjen letrare të Zef Përgegës. E gjithë krjimtaria e autorit lidhet me vendlindjen dhe çështjet kombëtare, çka tregon dashurinë e tij për vendin ku u lindi dhe u rrit.
© SYRI.net