“The Crown” tregon jetën dhe mbretërimin e Elisabeth II, duke filluar në fund të viteve 1940 përpara se ajo të ngjitej në fron në vitin 1952.

 

Seriali përshkruan ngjarje të rëndësishme politike dhe personale gjatë gjithë kohës së mbretëreshës si monarke, nga marrëdhënia e saj me Winston Churchill gjatë epokës së pasluftës deri te ndërveprimet e saj me Margaret Thatcher gjatë drejtimit të saj 11-vjeçar si kryeministre.

 

Sa është rritur “The Crown” që nga vdekja e mbretëreshës?

 

Sipas analizës së të dhënave nga Whip Media, shikueshmëria e dramës fituese të “Emmy” u rrit me më shumë se 800% në Mbretërinë e Bashkuar gjatë fundjavës.

 

Shifrat e shikueshmërisë u rritën gjithashtu në SHBA, Francë dhe Australi: u katërfishuan në SHBA midis 9 dhe 11 shtatorit, ndërsa u trefishuan në Francë.

 

Në nivel global, shikueshmëria ishte gati katër herë më e lartë fundjavën pas vdekjes së monarkes britanike, krahasuar me fundjavën e kaluar.

 

Sezoni i pestë i serialit do të ketë premierë në nëntor, ku Imelda Staunton do të marrë rolin e mbretëreshës, të portretizuar më parë nga Claire Foy dhe Olivia Colman.