Në një ceremoni të veçantë, sot u ndanë dy çmimet vjetore në fushën e kinematografisë për vitin 2021, vit ky që ishte një prej më të suksesshmëve për filmin e Kosovës, shkruan Syri.net Kosova.
Sipas njoftimit, Çmimin Vjetor për Kinematografi, të cilin e ndau Kryeministri, Albin Kurti, e mori regjisorja Blerta Basholli, për suksesin e filmit të saj “Zgjoi”, i vlerësuar dhe i shpërblyer ndërkombëtarisht, përfshirë tri shpërblimet kryesore në “Sundance Film Festival” 2021.
Ndërsa Çmimi Kombëtar për Vepër Jetësore “Bekim Fehmiu” për vitin 2021 post- mortem, iu nda aktorit Abdurrahman Shala.
Këtë çmim që u ndahet personaliteteve të shquara të fushës së kinematografisë për suksesin, të arriturat gjatë karrierës dhe kontributin e veçantë në avancimin e kinematografisë, në emër të familjes e pranoi Genc Shala, nga ministri Hajrulla Çeku.
Kjo ngjarje u bë edhe më speciale me performancën e mrekullueshme të korit Siparantum që ofruan një paraqitje fantastike para pjesëmarrësve.
Anëtarë të jurisë profesionale ishin, Blerta Zeqiri, Ujkan Hysaj, Alush Gashi, Veton Nurkollari dhe Bardh Rugova.
© SYRI.net
Filmi 'RRUGËS' nga Samir Karahoda, zyrtarisht në garën e filmave të shkurtë në Festivalin e Kanës
WhatsApp njofton për uljen e kufirit të moshës së përdoruesve në disa vende
10 serialet më të mira në Netflix që mund t’i shihni nga sot
Denonco
Merrni lajmet më të fundit nga SYRI.net në çdo moment dhe kudo që të jeni!
