Është përkujtuar në ditën e lindjes poeti Ali Podrimja. Të pranishmit u ndalën te kontributi i tij në letrat shqipe, ndërsa organizimet do të vijojnë përgjatë gjithë vitit që Ministria e Kulturës ia ka dedikuar poetit.
Nga SYRI TV
Ka rënë degë e thyer prej reje në trupin tënd të shituar, Kosovë.
Këto vargje të poezisë “Përtej Dhimbje” na kujtojnë se si iku zëmrëthyer në përtejbotë poeti Ali Podrimja, që e deshi Kosovën e tij të pavarur. Podrimja e konceptualizoi poezinë në atë që quhet esenca ekzistenciale, ku dimensioni i tragjedisë etnike ishte i gjithëpranishëm, plot simbolika të mëdha.
Këtë vit shënohen dy data të rëndësishme, ajo e 80 vjetorit të lindjes së poetit dhe 10 vjetori i ikjes së tij në amshim, ndaj organizimet në përkujtim të tij do të vijojnë.
Etnikja ishte universi i tij, me gjeografinë dhe njerëzit, me birin e tij të simbolizuar kaq thekshëm, ishte lirika e një shprese të pakufishme që parakupton një ndryshim të domosdoshëm dhe jetik.
Motivi qendërzues i poezive të Podrimjes qe ankthi, projekti dhe se sendërtimi i lirisë, ndërsa vargjet e tij i flasin shumëkohësisisë.
© SYRI.net
Filmi 'RRUGËS' nga Samir Karahoda, zyrtarisht në garën e filmave të shkurtë në Festivalin e Kanës
WhatsApp njofton për uljen e kufirit të moshës së përdoruesve në disa vende
10 serialet më të mira në Netflix që mund t’i shihni nga sot
Denonco
Merrni lajmet më të fundit nga SYRI.net në çdo moment dhe kudo që të jeni!
