Media shtetërore ruse nuk mund të fitojë para nga përmbajtjet në Facebook dhe Instagram

12:49, 27/02/2022

Meta ka penguar mediat shtetërore ruse të fitojnë para nga përmbajtjet në Facebook dhe Instagram. 

YouTube bllokoi median shtetërore ruse RT në Ukrainë dhe pezulloi aftësinë e saj për të fituar para nga përmbajtjet në atë platformë globalisht.

Masa vjen pasi qeveria ukrainase i kërkoi YouTube të bllokojë RT nga vendi.

Në një deklaratë, zëdhënësja e YouTube, Ivy Choi përmendi "rrethanat e jashtëzakonshme në Ukrainë" si arsye.

“Ne do të vazhdojmë të vëzhgojmë zhvillimin e situatës dhe mund të ndërmarrim hapa të mëtejshëm”, thuhet në deklaratë.

YouTube tha gjithashtu se kishte hequr qindra kanale dhe mijëra video ditët e fundit që shkelnin rregullat e rrjetit, duke përfshirë një numër kanalesh që kompania tha se kishin marrë pjesë në një "fushatë të koordinuar mashtrimi".

Meta, e cila zotëron Facebook dhe Instagram, ka ndaluar gjithashtu mediat shtetërore ruse të fitojnë para nga përmbajtjet në platformat e saj.

Ata nuk do të mund të kenë më reklama apo të fitojnë para nga përmbajtja në asnjë platformë në pronësi të Metës.

© SYRI.net

Lexo edhe:

• Filmi 'RRUGËS' nga Samir Karahoda, zyrtarisht në garën e filmave të shkurtë në Festivalin e Kanës
• WhatsApp njofton për uljen e kufirit të moshës së përdoruesve në disa vende
• 10 serialet më të mira në Netflix që mund t’i shihni nga sot