Kate Winslet: Këshillat e DiCaprio-s më ndryshuan jetën

Kate Winslet: Këshillat e DiCaprio-s më ndryshuan jetën

11:23, 08/02/2022

Marrëdhënia e ëmbël, platonike mes protagonistëve të filmit legjendar “Titanic” dëshmon se lidhjet afatgjata janë vërtet të mundshme në Hollywood.

Dy aktorët flasin shpesh për marrëdhënien e tyre, por një informacion interesant në lidhje me të, ka të bëjë me një koment që DiCaprio ka bërë për trupin e Winslet gjatë periudhës kur po xhironin Titanikun. 

Image

Dhe ky koment i rëndësishëm e ndihmoi Kate të ndryshojë këndvështrimin e saj për jetën.

Kate Winslet kishte deklaruar më parë se po ngacmohej për shkak të peshës së saj.

Image

Kur ishte më e vogël, e tallnin për pasionin e saj për aktrimin, duke i thënë se do të merrte vetëm rolet e “vajzës së shëndosh”.

Ajo ka thënë se gazetat kanë komentuar trashësinë e saj, kanë bërë vlerësime për peshën e saj dhe kanë përmendur dietën e supozuar që ajo ndiqte.

 

Winslet pranoi se ekzaminimi fizik kishte një ndikim në mënyrën se si ajo e shihte veten dhe cila ishte përshtypja e saj për përkufizimin e “e bukur”. 

Për një kohë, aktorja ndihej e vetme dhe e shqetësuar se si do ta shihnin njerëzit në Hollywood.

 

Në një intervistë me Oprah Winfrey, Winslet kujtoi se Di Caprio i kishte thënë: “Është shumë e rëndësishme që të kesh figurën që ke”. 

Kur u pyet se çfarë donte të thoshte me këtë, ai tha se ka shumë gra që besojnë se e vetmja mënyrë për të qenë të suksesshme, për të qenë të dashur dhe të bukur është të jesh e dobët dhe ai la të kuptohej se kjo ishte e gabuar.

Image

Kjo deklaratë goditi një akord me Winslet, e cila e kuptoi se kishte të drejtë. Biseda e tyre inkurajoi Winslet të bëhej një simbol i pozitivitetit të trupit.

Ajo i tha Oprahs se nominimi i saj për “Oscar” për rolin e saj në ‘Titanik’ e bëri të kuptonte se ajo mund të arrijë gjëra të mëdha si aktore pa qenë e dobët apo e uritur. 

 

Fushata e saj për pozitivitet trupor u intensifikua pasi u bë nënë, pasi nuk donte që vajza e saj të vuante dhe të jepte një betejë të brendshme.

Aktorja e njohur mendon se kohët kanë ndryshuar, sidomos me lëvizjen ‘#MeToo’ dhe gratë kanë më pak frikë të flasin në ditët e sotme. Winslet gjithashtu beson se plakja nuk duhet të konsiderohet e keqe dhe madje i ka kërkuar një kompanie kozmetike që të mos bëjë asnjë përpunim në fotot e saj.

 

Winslet thuhet se e përshkroi mikun e saj Leonardo si një “person të qëndrueshëm dhe besnik”. 

Miqësia e tyre ka zgjatur për më shumë se dy dekada dhe lidhja e tyre e ëmbël vihet në pah sa herë që kalojnë bashkë në tapetin e kuq gjatë ndarjes së çmimeve.

Image

DiCaprio ishte i pranishëm në dasmën e tretë të Winslet-it, si njeriu që ia dorëzoi aktoren dhëndrit.

Winslet zbuloi gjithashtu se ajo qau kur u takuan së fundmi pas tre vitesh që nuk u panë, gjë që thjesht dëshmon se kudo që të jenë, ata do të vazhdojnë ta duan njëri-tjetrin si miq.

© SYRI.net

Lexo edhe:

Komentet

Shto koment

Denonco