Publikohet agjenda e aktiviteteve për Ditën Ndërkombëtare të Muzeve

Publikohet agjenda e aktiviteteve për Ditën Ndërkombëtare të Muzeve

16:27, 17/05/2021

Ministria e Kulturës ka njoftuar për aktivitetet që do të shënohen për Ditën Ndërkombëtare të Muzeve, shkruan Syri.net Kosova.

MKRS me anë të një njoftimi ka bërë publike agjendën për datën 18 Maj.

Për më shumë shiheni komunikatën e plotë:

AGJENDA E AKTIVITETEVE PËR DITËN NDËRKOMBËTARE TË MUZEVE

Dita Ndërkombëtare e Muzeve përfaqëson një moment unik për komunitetin ndërkombëtar muzeor. Çdo vit, kjo datë shënohet përmes aktiviteteve dhe ngjarjeve kreative me qëllim  të ngritjes në pah të rëndësisë dhe rolit të muzeve si institucione që i shërbejnë shoqërisë, zhvillimit të saj dhe ndërtimit të paqes.

Tema e caktuar ICOM për vitin 2021 është: “The future of Museums: Recover and Reimagine”/ “ E ardhmja e muzeve: Rijetësimi dhe Riimagjinimi” duke propozuar tek muzetë, profesionistët muzeor dhe komuniteti që të krijojnë, imagjinojnë dhe të ndajnë përvoja të reja të (bashkë-) krijimit të vlerave, modele të reja të punës për institucionet kulturore dhe zgjidhje inovative për sfidat e tashme sociale, ekonomike dhe mjedisore.

Me qëllim të shënimit të kësaj dite të rëndësishme, Ministria e Kulturës, Rinisë dhe Sportit në bashkëpunim me Muzeun Kombëtar të Kosovës, kanë organizuar një agjendë me aktivitete të ndryshme.

Më datën 18 Maj, në ambientet e Muzeut Kombëtar të Kosovës, duke filluar nga ora 12:00 do të ekspozohen punimet e pjesëmarrësve, në kuadër të aktivitetit “Arka Arkeologjike dhe Etnologjike”, i cili është zhvilluar në bashkëpunim me Festivalin e Muraleve në Ferizaj.

Ditën e mërkurë, më 19 Maj, gjithashtu në ambientet e Muzeut Kombëtar të Kosovës, duke filluar nga ora 12:00 do të promovohet ekspozita e veçantë e koleksionit të figurës qendrore të trashëgimisë muzikore folklorike të ndjerit Shaqir Hoti.

© SYRI.net

Lexo edhe:

Komentet

Shto koment

Denonco