Artistët e Shoqatës së Artit Figurativ “Gursel Sylejmani” nga Vitia në krye me kryetarin e kësaj shoqate, Mervan Mustafa, gjatë fundjavës kanë punuar në restaurimin e muralit 3D në qytetin e Vitisë.
Punimet në restaurimin e kësaj vepre artistike i ka vizituar drejtori i DKRS-së në Viti, Milot Lala me përgjegjësin e Kulturës, Ismet Sejdiu.
Drejtori i ka përgëzuar ata për punën që po bëjnë në ruajtjen e vlerave artistike në qytetin e Vitisë.
“Falënderoj artistët vitias për përkushtimin dhe përkujdesin e tyre që të ruajnë vlerat artistike në Viti. Restaurimi i këtij murali zbukuron qytetin e Vitisë por edhe Shtëpinë e Kulturës “Gursel e Bajram Sylejmani” në Viti, prandaj kjo nismë e tyre është për t’u përgëzuar”, u shpreh Lala.
© SYRI.net