Ministria e Kulturës, Rinisë dhe Sportit, çmimin për veprën kombëtare jetësore e ka ndarë për aktorin dhe regjisorin, Luan Daka. Në një ceremoni solemne u ndan edhe çmimet vjetore për teatër.
Çmimi për shfaqjen më të mirë e mori shfaqja “Erveheja” e Drita Begollit. Çmimin vjetor për regjinë më të mirë e mori regjisorja, Elmaze Nura. Në këtë ceremoni u nda edhe çmimi për aktorin më të mirë të vitit, të cilin e mori aktori, Ardian Morina për interpretimin e tij në shfaqjen “Unë jam vetë grua”.
Ministria e Kulturës çmimin për produksionin teatror e ndau për qendrën “Multimedia”.
Zëvendësministri i Kulturës, Rinisë dhe Sportit, Engelbert Zefi i ka ndarë këto çmime, pasi që ministrja, Vlora Dumoshi ndodhet në Tiranë, ku po mbahet mbledhja e dy qeverive.
Kumtimin e çmimeve e bëri kryetarja e jurisë, Marigona Bekteshi e cila tha se këto çmime janë ndarë nga një juri profesionale.
Bekteshi: Çmimi për veprën jetësore ndahet për Luan Daka
“Çmimi për veprën jetësore ndahet për Luan Daka…Ky çmim i ndahet artistit Daka duke u bazuar në kreativitetin e thellë inovacionin dhe origjinalitetin që ai përcakton në fushën e artit dramatik, si në teatër, radio dhe televizion. Në rrafshin artistik është autor i teksteve skenike, regjisor i shfaqjeve, regjisor i radiodramave, aktor i suksesshëm regjisor i teatrit dhe filmit, ekspert në fushën teatrore dhe filmike”, tha ajo.
Fituesi i çmimit për veprën jetësore për vitin 2019, Luan Daka tha se vitet e fundit artistët kanë dëshmuar vlerat artistike brenda dhe jashtë Kosovës.
Derisa falënderoi për çmimin me të cilin sot u nderua, Daka tha se suksesi i artistëve është i pamundur pa përkrahjen profesionale dhe morale.
Daka: Artistët janë dëshmuar me vlera artistike brenda dhe jashtë Kosovës
“Artistët janë të ndjeshëm si fëmijët me kalim të viteve bëhen edhe më të ndjeshëm. Këto vitet e fundit artistët janë dëshmuar me vlera të shkëlqyera artistike si brenda ashtu edhe jashtë kjo a bënë krenar të gjithë por kjo nuk mund të arrihet pa përkrahjen absolute financiare e morale profesional të ministrisë së Kulturës”, tha Daka.
Drita Begolli e cila mori çmimin për shfaqjen më të mirë të vitit u shpreh e lumtur që pas 40 viteve karrierë po nderohet puna dhe vepra e saj.
Begolli: Çmimet janë të rëndësishme për një krijues
“Çmimet gjithmonë janë të rëndësishme për jetën e njeriut e veçanërisht për një krijues në këto momente më keni bërë më të lumtur dhe e keni begatuar jetën time dhe familjes time”, u shpreh Begolli.
Fituesja e çmimit si regjisorja e vitit, Elmaze Nura tha se ndihet mirë ku puna e saj vlerësohet nga shteti.
Nura: Është nder të vlerësohem nga shteti im
“Të vlerësohesh nga shteti yt,të vlerësohesh nga artistët tanë nga kolegët tuaj është një nder i veçantë dhe emocion i veçantë“, tha ajo.
© SYRI.net
WhatsApp njofton për uljen e kufirit të moshës së përdoruesve në disa vende
10 serialet më të mira në Netflix që mund t’i shihni nga sot
Lufta ndaj varësisë, Florida ndalon rrjetet sociale për fëmijët nën 14 vjeç
Denonco
Merrni lajmet më të fundit nga SYRI.net në çdo moment dhe kudo që të jeni!
