Hakerët e dyshuar rus, vodhën ‘email-in’ e ish-ministrit të tregtisë në Britani

16:54, 04/08/2020

Hakerët rusë të dyshuar të mbështetur nga shteti, besohet se kanë vjedhur të gjithë përmbajtjen e një llogarie personale të postës elektronike të përdorur nga ish-ministri britanik i tregtisë Liam Fox, si pjesë e një përpjekje për të ndryshuar zgjedhjet e vitit 2019 në Mbretërinë e Bashkuar, thanë dy burime për Reuters.

Reuters raportoi të hënën se llogaria e Fox ishte sulmuar shumë herë nga hakerat midis 12 korrikut dhe 21 tetorit të vitit të kaluar, rpaorton Reuters.

Kremlin nuk iu përgjigj menjëherë një kërkese për koment mbi hakimin e email-it personal të Fox.

Disa nga dokumentet e hakuar që detajojnë negociatat e tregtisë në Mbretërinë e Bashkuar me Shtetet e Bashkuara, u zbuluan në internet nga ato që Londra ka thënë se ishin "aktorët rusë" që kërkonin të ndërhyjnë në politikën britanike.

Moska i ka mohuar akuzat.

Burimet, të cilët folën në kushte anonimiteti sepse një hetim penal në lidhje me hakimin është duke u zhvilluar, thanë se llogaria e kompromentuar u prit nga një shërbim online me email dhe nuk ishte një adresë zyrtare e qeverisë.