UEFA ka zbardhur kalendarin e ndeshjeve të fazës para-eliminatore të Futsal Champions League 2024-2025, teksa në Grupin C merr pjesë edhe kampionia në fuqi e Shqipërisë, Tirana Futsal.

Bardheblutë do të ketë përballë në këtë grup Akaa Futsal (Finlandë), TSV Weilimdorf (Gjermani) dhe Ísbjörninn (Islandë) dhe të gjitha sfidat do të luhen të gjitha në sallën e Parkut Olimpik “Feti Borova” në Tiranë në datat 21, 22 dhe 24 gusht.

Sfida e parë do të jetë ajo mes AKAA dhe Insbjornin, që do të nisë në ora 17:00 më 21 gusht, teksa në të njëjtën ditë, në orën 20:45 po në sallën e Parkut Olimpik do të luhet edhe sfida e dytë mes FC Tiranaës dhe TVS Weilmdorf.

Më 22 gusht do të luhen dy sfidat e tjera të grupit: TVS Weilmdorf – AKAA në ora 17:00 dhe Tirana Futsal – Insbjorninn, që starton në ora 20:45.

Ndeshjet e treta që të grupit do të luhen më datë 24 gusht. Takimi TSV Weilmdorf – Insbjorninn është planifikuar të nisë në ora 17:00 dhe disa orë më vonë, në 20:45 do të luhet sfida Tirana Futsal – AKAA.

Në këtë fazë do të marrin pjesë 32 skuadra europiane të ndara në 8 grupe me katër ekipe secila dhe në turin tjetër do të kualifikohen 8 ekipe. Më konkretisht, 8 skuadrat e renditura në vendet e para.

Ky është i katërti edicioni radhazi që FSHF mirëpret ndeshjet e grupit para-eliminator të Futsal Champions League ku merr pjesë edhe kampionia e Shqipërisë.

UEFA Futsal Champions League 2024/2025

Kalendari i ndeshjeve të Grupit C

21.08.2024:

AKAA vs Insbjorninn, ora 17:00, “Feti Borova”

FC Tirana vs TVS Weilmdorf, ora 20:45, “Feti Borova”

22.08.2024:

TVS Weilmdorf vs AKAA, ora 17:00, “Feti Borova”

FC Tirana vs Insbjorninn, ora 20:45, “Feti Borova”

24.08.2024:

TSV Weilmdorf vs Insbjorninn, ora 17:00, “Feti Borova”

FC Tirana vs AKAA, ora 20:45, “Feti Borova”