Besiktasi fitoi 3-2 finalen e Kupës së Turqisë përballë Trabzonsporit, duke mbyllur me festë një sezon plot oshilacione dhe larg pritshmërive të tifozëve.
Ernest Muçi dhe Milot Rashica shijuan trofeun e parë me bardhezinjtë nga Stambolli, njësoj si presidenti Hasan Arat.
64-vjeçari nga Adana, i cili u emërua në krye të klubit në ditët e para të dhjetorit të vitit të kaluar, nuk e fshehu lumturinë e madhe për fitimin e Kupës.
“Situata ishte e keqe kur ne morëm detyrën tonë. Objektivi ynë parësor ishte fitimi i Kupës. Dhe ia dolëm. Fëmijët tanë, të cilët janë e ardhmja e Besiktasit, u lumturuan shumë.
Ata do të shkojnë në shkollë të gëzuar dhe të buzëqeshur. Dua të falënderoj gjithë tifozët. Atmosfera që krijuan ishte e jashtëzakonshme. Jam krenar për komunitetin e Besiktasit.
Gjithashtu dua të falënderoj gjithë futbollistët dhe stafin teknik për përpjekjet e tyre. Skuadra luajti mirë dhe besoi te fitorja. Prodhuam një futboll të bukur.
Ndihem shumë krenar për gjithë lojtarët, dua të falënderoj edhe familjarët e tyre”, u shpreh Arat, i cili përgëzoi edhe kundërshtarët për garën e fortë dhe sportivitetin në fund, duke uruar Besiktasin për suksesin.
© SYRI.net
Bëje LIKE dhe merr lajmin e fundit nga Sporti: