Jurgen Uldedaj ngjitet në majën e boksit Europian. Sportisti shqiptar arriti një fitore të madhe ndaj boshnjakut, Damir Beljo, për të marrë brezin e titullit “WBA Continental” në kategorinë Cruser.

Në një mbrëmje të paharrueshme në Mynih, boksieri shqiptar mposhti boshnjakun Damir Beljo me pikë pas 10 raundesh, në një duel që erdhi për shikuesit në ekranin e Radio Televizioni Shqiptar.

26-vjeçari, tashmë me 17 fitore dhe një humbje në karrierën e tij, arriti të mbajë ritmin gjatë 10 raundeve dhe të dominojë kundërshtarin, ndonëse me një eksperiencë më të madhe.