Konferenca e Lindjes fitoi 211-186 ndaj asaj të Perëndimit në mbrëmjen magjike të All Star Game në NBA.
Kjo është ndeshja që vendosi rekordin e pikëve në këtë përballje mes yjeve të basketbollit amerikan.
Për herë të parë në një ndeshje All Star një ekip arrin të kalojë kuotën e 200 pikëve, ndërkohë që në total u realizuan 397 pikë. Mbrojtjet thuajse nuk ekzistuan fare, ndërkohë që basketbollistët gjuajtën plot 168 herë nga distanca.
Ndeshja e luajtur në Indianapolis ishte si një miqësore, ku ekipet nuk mbrojtën, por u përpoqën të dhurojnë spektakël.
Ekipi i Lindjes u shkëput 104-89 që në pjesën e parë dhe nuk e vuri në asnjë moment në diskutim fitoren.
Trofeun MVP e mori basketbollisti Damian Lillard, që me 39 pikët e realizuara ishte shënuesi më i mirë i ekipit fitues.
Për Perëndimin u dallua Towns me 50 pikë, por që s’mjaftuan për të fituar dhe merituar trofeun personal.
© SYRI.net
Bëje LIKE dhe merr lajmin e fundit nga Sporti: