Kansas City Chiefs u bë të dielën skuadra e parë që fitoi Super Bowl radhazi në 19 vjet, duke mposhtur San Francisco 49ers me rezultatin 25-22 gjatë kohës shtesë në Las Vegas. Të udhëhequr nga qendërmbrojtësi Patrick Mahomes, Chiefs kanë fituar Super Bowls tre herë gjatë pesë sezoneve të fundit.

Las Vegas mikpriste Super Bowl për herë të parë, dhe ofroi një sfidë intensive, të ekuilibruar dhe me drithërima. Ishte hera e dytë në gjithë historinë që sfida e madhe shkonte në shtesë, një spektakël i stërzgjatur për 69 mijë e 629 spektatorët në tribuna , mbi 84 milionë spektatorë që e ndoqën nga Televizioni në SHBA, dhe qindra milionë të tjerë në mbarë botën.

Spektaklin e garantuan Usher dhe Alicia Keys në të famshmin Half Time Shom me një mori vipash në tribuna, ku ishte dhe Lebron James dhe Taylor Swift, “ylli” i popit, që bënte tifo për të fejuarin e saj, Travis Kelce, të Chiefs që pas një pjese të parë të keqe, ku spikati vetëm për ulërimat ndaj trajnerit, shpërtheu në të dytën.