Nëse shkon në Kukës sonte askush nuk flet për gjë tjetër përveç ndeshjes së Skënderbeun.

Duhet dhe 90 minuta që një qytet i vogël si Kukësi të shkruaj me gërma të arta emrin në historinë e futbollit shqiptar.

I madh dhe i vogël në qytetin “anglez” ndihet gati që të përjetoj për herë të parë titullin kampion. Për këtë duhen pritur dhe 90 minuta dhe disa gola nga Pero Pejiç që ëndrra e madhe të bëhet realitet.

Në seancën stërvitore të padites Kukësi ka pasur një numër të konsiderueshëm tifozësh që kanë ndjekur stërvitjen e skuadrës dhe po ashtu kanë motivuar lojtarët për ndeshjen e nesërme ndaj Skënderbeut që do të luhet në orën 17:30 në stadiumin “Zeqir Ymeri”.  

Sipas raportimeve që vijnë nga qyteti verilindor thuhet se në skuadrën kukësiane ekziston një moral i lartë në aspektin psikologjik për të arritur fitoren që i shpall kampion për herë të parë në historinë e tyre.