Është ndarë në mënyrë të dhimbshme nga jeta një prej njerëzve më të nderuar të qytetit të Korçës, Llazi Pula.

Ai vuante prej disa kohësh nga një sëmundje e rëndë dhe nuk mundi t'ia dilte.

Llazi Pula është dalluar jo vetëm në sportin e gjimnastikës, por edhe si një nga kuadrot e shkëlqyer të Edukimit Fizik.

Ai ka qenë i dalluar në sportin e gjimnastikës që në moshë të vogël e më pas ka arritur suksese të jashtëzakonshme, duke qenë një ndër gjimnastët e jashtëzakonshëm dhe që bëri shumë emër. Edhe si mësues dhe edukator ka rritur breza të tërë.

Llazi Pula pa diskutim që ka qenë një ikonë e madhe e sportit dhe do të mbetet gjithmonë!