Anglia ishte kualifikuar prej disa javësh në Europianin “Gjermani 2024”, por në dy sfidat e fundit me Maltën dhe Maqedoninë e Veriut, “Tre Luanët” nuk shkëlqyen.

Gjithsesi ata do të jenë në vazon e parë në shortin që do të hidhet më 2 dhjetor.

Prestigjiozja britanike “The Sun”, i ka kushtuar një artikull për grupin më të vështirë dhe atë më të lehtë që mund t’i bjerë “Tre Luanëve”.

Sipas britanikes, Anglia rrezikon të jetë pjesë e “Grupit të Ferrit”, ku përballë mund të ketë Danimarkën (Vazo 2), Holandën (Vazo 3) dhe Italinë (Vazo 4).

Gjithashtu ajo shpreson te një grup i lehtë, ku përballë Anglia mund të ketë Shqipërinë (Vazo 2), Slloveninë (Vazo 3) dhe Kazakistanin nëse kualifikohet në “play off” (Vazo 4).

Edhe pse sipas “The Sun”, Shqipëria nënvlerësohet, ky grup duket i favorshëm dhe për kuqezinjtë e Silvinjos, të cilët do të kenë shanse të larta kualifikimi.

Gjithçka do të mësohet më 2 dhjetor në Hamburg.