Kosova ka fituar me shifrat 1-0 ndeshjen prapambetur ndaj Izraelit, e cila u shty në muajin e kaluar për shkak të situatës së luftës.
“Dardanët” janë ende në lojë dhe një fitore do t’i jepte akoma dhe më shumë shpresë për një nga dy vendet e para.
Kombëtarja e Kosovës ka regjistruar fitoren e dytë në kuadër të ciklit kualifikues për Kampionatin Evropian “Euro 2024”.
Të përzgjedhurit e Primoz Gliha triumfuan sonte ndaj Izraelit, në ndeshjen e zhvilluar në stadiumin “Fadil Vokrri”.
Gjendja e fushës së stadiumit ishte e rënduar dhe pati kritika rreth saj.
Gjithsesi, kjo përballje prodhoi një gol dhe tri pikë për “Dardanët”, duke u mbyllur me rezultatin 1-0.
Golin e fitores e shënoi Milot Rashica, në minutën e 41-të. Ai u asistua nga Vedat Muriqi.
Kosova pati edhe raste tjera shënimi, me Rashicën, Muriqin e Krasniqin, por që nuk ia dolën t’i konkretizonin me gol.
© SYRI.net
Bëje LIKE dhe merr lajmin e fundit nga Sporti: