Shqipëria mori një fitore të madhe ndaj Çekisë duke fituar në Air Albania me shifrat 3-0 përballë Çekisë. Kuqezinjtë hedhin kështu një hap të sigurt drejt kualifikimit në Euro 2024. Nga ana tjetër, fitore mori edhe Kosova. Dardanët mposhtën në transfertë me rezultatin 0-3 Andorrën duke ndezur edhe ata shpresat për një kualifikim të mundshëm.

Pas dy ndeshjeve, reagoi edhe kryeministri i Kosovës, Albin Kurti që ishte prezent në Air Albania, së bashku me djalin e heroit legjendar, Adem Jashari. Kurti theksoi se e enjtja ishte një festë e madhe për shqiptarët.

Festë e madhe, sepse fitore e dyfishtë. 3-0 Shqipëria, 3-0 edhe Kosova.

Jemi gëzuar e kënaqur të gjithë me këto dy fitore të bukura. Shqipëria drejt EURO 2024, e Kosova me lojë të dalluar.

Urime lojtarëve, trajnerëve, tifozëve dhe të gjithë qytetarëve të dy republikave tona.