Barcelona nuk ka arritur më shumë se një barazim në duelin me Granadën e Myrto Uzunit (që ishte titullar) në transfertë, në kuadër të javës së nëntë të La Ligës.
Gjiganti katalanas madje e pa veten në dizavantazh të dy golave, ndërsa në fund e siguroi një barazim 2-2.
Bryan Zaragoza Martinez i shënoi dy gola për vendësit.
Të parin e realizoi qysh në sekondën e 15-të.
Kurse, të dytin e shënoi në atë të 29-të pas një veprimi të bukur individual.
Në anën tjetër, Barça e ngushtoi rezultatin në fund të pjesës së parë më super-talentin Lamine Yamal.
Kurse, Sergi Roberto i barazoi shifrat në minutën e 86-të për t’i siguruar një pikë ekipit të Xavi Hernandezit.
Barça është e treta në renditje me tri pikë më pak se kryesuesi Real Madrid.
© SYRI.net
Bëje LIKE dhe merr lajmin e fundit nga Sporti: