Edhe pse nuk ia doli të fitonte në finale e Botërorit, Kombëtarja Angleze e femrave tërhoqi vëmendjen e të gjithëve me stilin saj të lojës.

Vlerësimet për këtë i shkojnë trajneres Sarina Wiegman. Sipas gazetës britanike The Telegraph, federata holandeze dëshiron të angazhojë tekniken për të udhëhequr ekipin e meshkujve për Euro 2024.

Më parë, ajo ka drejtuar kombëtaren e femrave të vendit të saj drejt titullit në Euro 2017 si dhe fitoi garën pesë vjet më vonë me Anglinë. 

Kjo nuk është hera e parë që trajnerja përmendet si drejtuese për një kombëtare meshkujsh. Pak ditë më parë, federata angleze konsideroi se ajo ishte “personi më i mirë për këtë punë” si trajnere e përfaqësueses pas largimit të Gareth Southgate pas Euro 2024.

Shtetet e Bashkuara ishin gjithashtu të interesuara për holandezen për ekipin e femrave. Megjithatë, teknikja 53-vjeçare ka kontratë deri në vitin 2025 me Anglinë dhe për shkak të rezultateve të saj të shkëlqyera nuk do të lihet lehtë të largohet.