Ndeshja derbi e javës së parë të Bundesligës gjermane mes Bayer Leverkusenit dhe Leipzig-ut do të mbahet mend, përveç futbollit të bukur, edhe gafën trashanike të lojtarit të skuadrës mysafire.

Sfida përfundoi me fitoren 3-2 të Aspirinave, por në minutën e 74-të u pa një gabim i pabesueshëm.

Lois Openda humbi mundësinë për të rikthyer skuadrën e tij në lojë dhe ndoshta ta shpëtonte nga humbja në një mënyrë joreale.

Topi mbërriti te belgu, i cili fillimisht u ngatërrua dhe më pas goditi i papenguar shtyllën nga rreth katër -pesë metra distancë.

🇩🇪 𝐈𝐍𝐀𝐂𝐑𝐄𝐃𝐈𝐓𝐀́𝐕𝐄𝐋 𝐅𝐔𝐓𝐄𝐁𝐎𝐋 𝐂𝐋𝐔𝐁𝐄? 🤔

E o que pensar desse gol perdido pelo Loïs #Openda (23), do RB Leipzig, diante do Bayer Leverkusen na BayArena? Acabou custando caro no fim das contas… 😬#B04RBLpic.twitter.com/alNGkvDfyG

— Fussball Brasil (@FussballBR) August 19, 2023

Komentatori, por edhe të gjithë në stadium ngelën të shtangur nga gabimi që bëri dhe që i kushtoi humbjen skuadrës nga Leipzig.

Openda mbërriti këtë verë nga Lens te klubi nga lindja e Gjermanisë në një transfertë prej 38.5 milionë euro.

Sezonin e kaluar ai shkëlqeu te skuadra franceze, për të cilën shënoi 21 gola.