Lionel Messi udhëhoqi Inter Miamin drejt titullit të kampionit të Kupës së Ligës Amerikano-Meksikane.
Inter Miami mundi Nashville me penallti për të fituar titullin e tyre të parë në histori, me Messin që vazhdon serinë e tij të golave për të shënuar golin e tij të 10-të në shtatë ndeshje që nga mbërritja në SHBA. Në minutën e 24-të argjentinasi shënoi një gol të bukur për të kaluar Interin në epërsi 1-0.
Just listen the reaction of commentator as soon as Messi got the ball. The commentator knew what was coming.pic.twitter.com/l8Ohedn0Om
— Tulip (@tulipfcb) August 20, 2023
Në pjesën e dytë, sulmuesi i Nashville, Fafa Picault barazoi në 1-1 dhe pasi nuk pati më gola, nisi gjuajtja e penalltive.
Messi gjuajti i pari dhe shënoi, i ndjekur nga të gjithë futbollistët e tjerë. Fituesi u vendos nga një duel mes portierëve. Portieri i Interit Drake Callender shënoi dhe më pas priti një goditje nga lojtari tjetër i Nashville, Elliott Panicco.
Me gjestin e tij në dhënien e trofeut, Messi tregoi gjithë madhështinë e tij.
Leo Messi called over Yedlin to lift the trophy with him- the team’s original captain before he signed
— Sara 🦋 (@SaraFCBi) August 20, 2023
The most humble footballer 🇦🇷🐐
pic.twitter.com/MLmYQ7np6q
Edhe pse Messi mori shiritin e kapitenit menjëherë pas mbërritjes në klub, ai e hoqi atë në ceremoni dhe ia dha DeAndre Yedlin, amerikanit që ishte kapiten para mbërritjes së tij në klub.
Yedlin u hutua në fillim, por Messi i dha kupën dhe i tha që ta çonte në podium ku po prisnin të gjithë shokët e tij dhe ta ngrinin së bashku.
Kjo Kupë e Ligës është trofeu i parë për Messin në fanellën e Inter Miamit, ndërsa tashmë ai ka arritur shifrën prej 44 trofesh të fituar në karrierë, duke thyer kështu rekordin e Dani Alves (43) dhe duke u bërë futbollisti më me shumë trofe në histori.
Messi fitoi 35 tituj me Barcelonën, pesë me Argjentinën, tre me PSG-në dhe një me Inter Miami.
© SYRI.net
Bëje LIKE dhe merr lajmin e fundit nga Sporti: