Pas një sezoni te Bayerni, në Gjermani, anësori senegalez, Sadio Mane, 31 vjeç, u transferua në Arabinë Saudite për t’iu bashkuar Cristiano Ronaldos tek Al Nassr.
Ai “fajësoi” pikërisht yllin luzitan për këtë lëvizje të papritur.
“Bayerni? Mendoj se të gjithë e panë se sa shpejt ndodhi gjithçka. Nuk ishte një vendim i vështirë. Këtu (Al Nassr) është Cristiano Ronaldo, i cili është një nga lojtarët më të mirë në histori, ose edhe më i miri. Sigurisht, kjo e bëri vendimin më të lehtë”, tha Mane.
“Ne e pamë në Kupën e Botës Katar 2022 që lojtarët sauditë janë teknikisht të mirë. Ata dinë të luajnë me top dhe dua që ky ekip të ketë një sukses të vërtetë”, përfundoi sulmuesi senegalez.
© SYRI.net
Bëje LIKE dhe merr lajmin e fundit nga Sporti: