Edhe kur nuk është në fushën e gjelbër, Neymar arrin të bëjë që njerëzit të flasin për të. Keq. Autori i një sezoni ku në fokus kanë qenë dëmtimet e shpeshta, ylli brazilian e gjen veten të përfshirë në një histori qesharake. Të hënën, anësori i Paris Saint-Germain u gjobit me 3 milionë euro për "shkelje mjedisore në ndërtimin e një liqeni artificial" , në një nga vilat e tij rreth 130 km nga Rio, Brazil.

Këshilli bashkiak i Mangaratiba e mori këtë vendim, pasi autoritetet  raportuan "dhjetëra shkelje" , duke përfshirë "ekzekutimin e punimeve që i nënshtrohen kontrollit mjedisor pa autorizim" , mbledhjen dhe devijimin e ujit të lumit dhe "heqjen bimësisë pa autorizim”. Në total, gjobat arrijnë në 3 milionë euro. Neymar tani ka 20 ditë për të apeluar. Duhet të theksohet se fillimisht dënimi ishte caktuar në rreth 920,000€. Më 22 qershor, sulmuesi 31-vjeçar organizoi një festë në vilën e tij, duke përfshirë edhe larjen në liqenin e tij artificial.

🚨 Neymar a été 𝗰𝗼𝗻𝗱𝗮𝗺𝗻𝗲́ 𝗮̀ 𝘂𝗻𝗲 𝗮𝗺𝗲𝗻𝗱𝗲 𝗱𝗲 𝟯 𝗺𝗶𝗹𝗹𝗶𝗼𝗻𝘀 𝗱’𝗲𝘂𝗿𝗼𝘀 pour avoir construit un lac artificiel dans sa propriété sans autorisation ! 💰🧑🏻‍⚖️

Le lac constituerait un 𝗿𝗶𝘀𝗾𝘂𝗲 𝗺𝗮𝗷𝗲𝘂𝗿 𝗽𝗼𝘂𝗿 𝗹’𝗲𝗻𝘃𝗶𝗿𝗼𝗻𝗻𝗲𝗺𝗲𝗻𝘁 selon la… pic.twitter.com/RIJC0oQOgS

— Instant Foot ⚽️ (@lnstantFoot) July 4, 2023