Skuadra e Al Nassr është në kërkim të një portieri dhe sulmuesi portugez Cristiano Ronaldo, që prej disa muajsh luan me ekipin arab, ka sugjeruar 32-vjeçarin spanjoll David De Gea.
Kontrata e tij me Manchester United ka skaduar që prej 3 ditësh dhe ende nuk e ka rinovuar atë.
Manchester United i ka ofruar rinovimin me një vit, por duket se ofertat që vijnë nga Arabia e kanë joshur portierin spanjoll.
Për më tepër që shkesë për këtë transferim tek ekipi i Al Nassr po bëhet Cristiano Ronaldo, ish-shoku i skuadrës dikur te Manchester United.
Në këtë moment të karrierës së tij, transferimi te skuadra arabe mund të jetë zgjidhja më e mirë për portierin e kombëtares spanjolle, që edhe tek “djajtë e kuq” nuk është më i paprekshëm. Duket se CR7 i beson shumë portierin veteran, ndaj është gati ta sjellë në Arabi.
Prej ditësh është përfolur për një ofertë nga Lindja e Mesme në adresë të De Gea, por portieri nuk ka vendosur ende, duke mbajtur peng edhe transferimin e Onana nga Interi te Manchester United.
© SYRI.net
Bëje LIKE dhe merr lajmin e fundit nga Sporti: