Sonte në Pragë do të zbulojmë fituesin e ri të Conference League, edicioni i dytë i saj.
Fituesi i sezonit të kaluar, Roma, sonte do të pasohet nga West Ham=i anglez ose Fiorentina italiane.
Takimi i sotëm është i rëndësishëm për të dy klubet, sepse kanë më shumë se gjysmë shekulli në pritje të një trofeu evropian. Fiorentina fitoi Kupën e Kupave në 1961 dhe West Ham katër vjet më vonë.
Gjithashtu, ndeshja është e rëndësishme sepse fituesi i duelit të sotëm do të sigurojë një vend në Europa League sezonin e ardhshëm dhe as West Hami dhe as Fiorentina nuk e kanë bërë këtë përmes kampionatit vendas.
West Ham e përfundoi sezonin në vendin e 14-të në Premier League, ndërsa Fiorentina përfundoi në vendin e tetë në Serinë A italiane.
Formacionet e mundshme për ndeshjen e sotme priten kështu:
Fiorentina: Terracciano, Dodo, Igor, Milenkoviç, Biraghi, Mandragora, Amrabat, Gonzalez, Bonaventura, Ikone, Cabral.
West Ham: Areola, Kehrer, Zouma, Aguerd, Cresswell, Soucek, Rice, Paqueta, Bowen, Antonio, Benrahma.
Ndeshja Fiorentina – West Ham do të luhet sonte në Pragë në Fortuna Arena duke filluar nga ora 21:00.
© SYRI.net
Bëje LIKE dhe merr lajmin e fundit nga Sporti: