Presidenti i Federatës së Futbollit të Kosovës, Agim Ademi, së bashku me atë të FSHF-së, Armand Duka, janë duke qëndruar në Pragë të Çekisë ku do të jenë prezentë në finalen e Conference League.
Ademi e Duka janë me ftesë të UEFA-s, teksa numri një i FFK-së, ka thënë se atje janë me ftesë të presidentit të UEFA-s, Aleksandër Ceferin.
“Të gjithë sytë e tifozëve të futbollit janë të fiksuar në finalen e Conference League, Fiorentina-West Ham, që do të zhvillohet nesër në stadiumin “Eden Arena” në Pragë. Një arenë kjo e përsosur për një spektakël futbolli.
Bashkë me mikun tim Armand Duka, që për herë të dytë radhazi u zgjodh anëtar i KE të UEFA-së, tashmë ndodhemi në kryeqytetin e Republikës Çeke, me ftesë të presidentit të UEFA-së, Aleksandër Çeferin, për t’i përjetuar emocionet e kësaj finaleje”, ka shkruar Agim Ademi.
© SYRI.net
Bëje LIKE dhe merr lajmin e fundit nga Sporti: