Në një ndeshje të madhe, lojtarët e Manchester Cityt mposhtën Liverpoolin me rezultat 4-1 dhe kështu i dërguan mesazh Arsenalit se nuk po heq dorë nga titulli i kampionit të Anglisë.
Nën imperativin e fitores, City mirëpriti Liverpoolin, skuadrën me të cilën pati rivalitetin më të madh në vitet e më përparme. Megjithatë, sot mysafirët nuk treguan pothuajse asgjë, pavarësisht se kaluan të parët në avantazh.
Në minutën e 17-të, Diogo Jota shmangu grackën e pozicionit jashtë loje, duke e lënë topin për Mohamed Salah dhe egjiptiani shënoi sërish në derbin ndaj Cityt. Goli i kënaqi më së shumti tifozët e Arsenalit, por i la lojtarët e Cityt të hutuar.
Para përfundimit të pjesës së parë, Julian Alvarez shënoi pas në një asistimi të Jack Grealish për të shënuar 1-1. Meqë ra fjala, Alvarez e nisi ndeshjen në vend të Erling Haaland, mungesa e të cilit nuk u ndje sot.
Pjesa e para mbaroi 1-1, dhe më pas erdhi dhe transformimi i Manchester Cityt. Në minutën e 46-të, Riyad Mahrez luan për Kevin de Bruyne dhe belgu godet portën e zbrazët të Liverpool-it.
Vetëm gjashtë minuta më vonë, gjithçka ishte zgjidhur tashmë, pasi Ilkay Gundogan tundi rrjetën e “të kuqve”.
Goli që vulosi rezultatin 4-1, e shënoi Jack Grealish me asistimin e De Bruyne në minutën e 74-të dhe kështu përfundoi ndoshta ndeshjen më të mirë në fanellën e Cityt që prej ardhjes së tij nga Aston Villa.
Grealish mund të kishte shënuar golin e pestë për skuadrën e tij, por gjuajtjen e tij të shkëlqyer në minutën e 82-të e priti Alisson.
Pas kësaj fitore, City është pesë pikë prapa Arsenalit. Ajo që i gëzon tifozët e Citizen është se Topçinjtë do të mbërrijnë së shpejti në Etihad.
© SYRI.net
Bëje LIKE dhe merr lajmin e fundit nga Sporti: