Policia italiane dhe Scotland Yard po punojnë së bashku për të parandaluar një përplasje mes tifozëve të kombëtares së Italisë dhe Anglisë, të cilët luajnë të enjten në Napoli.

Autoritetet italiane janë të prirura të shmangin incidente të mëtejshme pasi tifozët e Napolit dhe Eintracht u përplasën në Napoli përpara një ndeshjeje të Ligës së Kampionëve javën e kaluar.

 “Gazzetta dello Sport” shkruan se policia italiane dhe Scotland Yard po bashkëpunojnë për të ruajtur rendin dhe paqen dhe rreth 2500 tifozë anglezë pritet të mbërrijnë në Itali për kualifikueset e Euro 2024.

Policia angleze do të kontrollojë tifozët dhe do të konfiskojë rripat e tyre përpara se të largohen nga Britania e Madhe, ndërsa homologët e tyre italianë do të monitorojnë rreptësisht Lungomaren në Napoli, ku shumica e tifozëve anglez kanë rezervuar akomodimin në hotel.

Ndërkohë, ndeshja e planifikuar më parë mes tifozëve të dy vendeve u anulua për shkak të kërcënimeve që dyshohet se u dërguan me e-mail nga ultrasit e Napolit, të cilat FIGC dhe autoritetet italiane i konsiderojnë të besueshme. Mirëpo ultrasit pohojnë se ata nuk qëndrojnë pas kërcënimeve sepse “nuk është stili i tyre”.