Të dielën, Barcelona mundi Real Madridin (2-1) në një atmosferë të elektrizuar dhe në një ndeshje plot shkelje e provokime të rënda dhe pasionet nuk u qetësuan as një ditë pas ndeshjes dhe nuk do të qetësohen për një kohë të gjatë.

Kështu, kombëtarja spanjolle u mblodh të hënën me rastin e kualifikueseve për Kampionatin Evropian dhe me urdhër të trajnerit Luis de la Fuente, lojtarët e Barcelonës dhe Realit u stërvitën veçmas për të shmangur tensionet.

Marrëdhënia është katastrofike, kështu që Alejandro Balde dhe Gavi ishin në njërën anë dhe Nacho, Carvajal dhe Ceballos në anën tjetër.

🧐'GRUPITOS' en el entrenamiento de la SELECCIÓN

🙄Los jugadores del Barça por un lado, los del Madrid por otro. #ChiringuitoSelección pic.twitter.com/YIhbOZ1LMh

— El Chiringuito TV (@elchiringuitotv) March 21, 2023

Lojtarët e Realit u ankuan veçanërisht për sjelljen e të riut Gavi, duke e quajtur atë inatçi dhe arrogant.

Sigurisht që do të jetë interesante të shihet se si do të shkojnë në fushë, veçanërisht Gavi dhe Ceballos të lartpërmendur, të cilët duhet të luajnë së bashku në mesfushë.

Trajneri i ri De la Fuente do të debutojë në stol të shtunën kundër Norvegjisë dhe tre ditë më vonë Spanja do të vizitojë Skocinë.

Kujtojmë, me fitoren ndaj Realit, Barcelona u shkëput në plus 12 dhe bëri një hap të madh drejt titullit të kampionit të Spanjës.