Anglia ‘copëtohet’ Italisë, tre yje të kombëtares tërhiqen nga skuadra

Anglia ‘copëtohet’ Italisë, tre yje të kombëtares tërhiqen nga skuadra

10:18, 21/03/2023

Tri yje të kombëtares angleze janë tërhequr nga skuadra përpara ndeshjes së parë kualifikuese të “Euro 2024” kundër Italisë të enjten.

Trajneri Gareth Southgate shpalli listën e grumbullimit javën e shkuar për dy ndeshjet kualifikuese të këtij muaji.

Por “Tre Luanët” konfirmuan se Markus Rashford, Mason Mount dhe Nick Pope nuk iu bashkuan skuadrës ditën e hënë.

Portieri, i cili arriti të luajë 90 minuta për Njukasëllin në ndeshjen me Notingem Forestin të premten, u tërhoq pas një problemi të vogël fizik, duke u zëvendësuar nga portieri i Totenhemit, Forster.

Por Southgate nuk ka thërritur asnjë zëvendësues për sulmuesin e Manchester United dhe mesfushorin e Chelseat.

Rashford mori një goditje në ndeshjen çerekfinale të Kupës FA kundër Fulhamit të dielën.

25-vjeçari shikohet si një mungesë e madhe, duke qenë se ka shënuar 19 gola në 25 ndeshje që prej Botërorit të Katarit.

Ndërkohë që Mount u grumbullua fillimisht nga Southgate, por ai nuk ishte në dijeni që 24-vjeçari vinte me probleme fizike.

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment

Denonco