Për arsye sigurie, presidenti i Real Madridit, Florentino Perez nuk do të jetë në stadiumin “Camp Nou” për të ndjekur “El Clasico-n” kundër Barcelonës.

Ky do të jetë dueli i parë mes dy klubeve që kur Prokuroria e Spanjës ngriti akuza ndaj Barcelonës për “çështjen Negreira” dhe edhe pse fillimisht nuk ndërhyri, në fund Reali u përfshi në gjithçka, gjë që rezultoi në tensionim të situatës.

“Ne do të mbrohemi dhe do të sulmojmë”, tha Joan Laporta para ndeshjes, duke inkurajuar kështu turmën e tifozëve që ta mbajnë Real Madridin “në shenjë”. Mediat spanjolle shkruajnë se nuk ka dyshim se atmosfera ndaj lojtarëve të Klubit Mbretëror do të jetë tërësisht armiqësore.

🚨 Florentino Pérez will NOT be at the Camp Nou for El Clásico. It’s expected to be a very hostile reception for Real Madrid & they consider it a risk not worth taking. @elmundoes pic.twitter.com/Ffy56xYl78

— Madrid Xtra (@MadridXtra) March 18, 2023

Për këtë arsye, Florentino Perez nuk do të jetë në Camp Nou dhe El Mundo shton se kjo do të jetë hera e parë në kushte normale që presidenti i Realit nuk do të shfaqet në stadiumin e katalanasve.

“Presidenti, i cili nuk mungoi në debutimin e Luis Figos pas nënshkrimit për Realin, as ndeshjen e parë pas pandemisë dhe u ul në ndenjëse me maskë, tani do të qëndrojë në kryeqytetin e Spanjës”, shkruan El Mundo.

Me këtë vendim, duke e cilësuar si “historik”, mediat spanjolle pretendojnë se Reali nuk dëshiron të rrisë më tej tensionin mes dy klubeve, ndonëse Joan Laporta theksoi qartë në deklaratat e tij të mëparshme se fushata që po zhvillohet aktualisht kundër klubit “nuk është aksidentale".

🚨 Florentino Perez ne sera pas au Camp Nou demain.

Il s'attend à ce qu'il ait un accueil hostile et le Real Madrid considère que ça ne vaut pas le coup de prendre le risque.

(ElMundo) pic.twitter.com/noyv8bFcXS

— FR Barça (@FRBarca_) March 18, 2023

Reali dhe Barcelona prej vitesh janë në një marrëdhënie të shkëlqyer për shkak të Superligës, por pas ngritjes së aktakuzës ndaj skuadrës katalanase, gjithçka u shemb si një shtëpi letrash.

Prokuroria e Spanjës akuzoi Barcelonën për korrupsion pasi klubi katalanas ka paguar kompaninë e ish-zv.presidentit të komitetit spanjoll të arbitrave për vite me radhë, dmth ata akuzohen se i kanë paguar 8.4 milionë euro nga viti 2001 deri në vitin 2018 Jose Maria Enriquez Negreira-s.

Akuzat që janë ngritur i referohen dy presidentëve të Barcelonës - Sandro Rosell (2010-2014) dhe Josep Bartomeu (2014-2020).

Prokurorët ngritën tre akuza kundër Barcelonës - korrupsion në sport, keqadministrim dhe falsifikim dokumentesh.