Tenisti serb Novak Djokovic fitoi Australian Open për të dhjetën herë në karrierë! Në finalen e turneut të parë Grand Slam të sezonit, ai mposhti tenistin grek Stefanos Tsitsipas me rezultat 3:0 në sete.
Në setin e parë Djokovic humbi vetëm pesë pikë në shërbim dhe e mori setin me rezultat 6:3.
Në setin e dytë pamë një luftë shumë më të barabartë dhe zgjati deri në 70 minuta. Tsitsipas (ATP i 4-ti) pati të vetmen break point në setin e dytë në duelin e dhjetë, por Djokovic arriti të fitojë tre pikë radhazi dhe të mbajë shërbimin e tij dhe në fund seti u vendos në një “tie-break”. Në ndeshjen dramatike të 13-të të setit të dytë, Djokovic ishte më i suksesshëm me 7:4, duke prirë 2:0 në sete.
Tsitsipas e nisi shumë mirë setin e tretë dhe bëri një break në ndeshjen e parë, por Djokovic u përgjigj menjëherë në të njëjtën mënyrë dhe barazoi. Edhe seti i tretë u vendos në tai-break. Djokovic ishte më i mirë dhe fitoi setin e tretë, e me këtë edhe ndeshjen, në favor të tij me rezultat 7:6.
Me triumfin e sotëm, Djokovic barazoi në krye të listës me Rafael Nadalin për nga numri i titujve të fituar në Grand Slam dhe tani të dy gjigantët kanë 22 trofe nga turnetë më të mëdhenj të tenisit.
Me fitoren e Australian Open, Djokovic u rikthye në krye të listës ATP dhe do të fillojë javën e tij të 374-të në krye duke filluar nga nesër.
Carlos Alcaraz do të bjerë në vendin e dytë dhe Tsitsipas arriti renditjen më të mirë të karrierës duke u futur në finalen e Australian Open dhe nga nesër do të jetë tenisti i tretë në botë.
No le dejaron jugar en 2022, y Djoković se lo tomó como algo personal. El #AusOpen, su Grand Slam favorito, vuelve a pertenecer, por 10a vez, al tenista de Belgrado. Sin duda, uno de los mejores deportistas de todos los tiempos. https://t.co/2CXXE7Tb9L
— Jordi Madorell (@JordiMadorell18) January 29, 2023
© SYRI.net
Bëje LIKE dhe merr lajmin e fundit nga Sporti: