Roma vendos ultimatum për Nicolo Zaniolo. Verdhekuqtë e kanë paralajmëruar sulmuesin se nëse ai nuk pranon ofertat nga klubet, rrezikon të mos luajë deri në fund të sezonit.

Siç raporton “Sportmediaset”, pronari i klubit kryeqytetas, nuk dëshiron ta shesë 23-vjeçarin te Milani. Kjo vjen për shkak se kuqezinjtë janë një nga ekipet për garën e zonës Champions, ndaj numri një i Romës nuk do të përforëcojë kundërshtarin e tyre.

Tashmë karta e vetme që i ka mbetur Zaniolos është transferimi në Premier League. Ekipi që interesohet për shërbimet e tij është Bournemouth, të cilët thuhet se kanë ofruar 30 milionë euro plus bonuse për sulmuesin.

Afati kalimtar i janarit mbyllet ditën e martë dhe deri atëherë, Zaniolo duhet të mendojë se ku do të vazhdojë karrierën e tij.