Xhuliano Skuka ka nisur stërvitjen me klubin e tij të ri, Metz, pasi të hënën finalizoi kalimin nga Partizani për shumën e 1.4 milionë eurove.

Menjëherë pas firmës në kontratë, sulmuesi shqiptar u vu në dispozicion të trajnerit Laszlo Boloni dhe zhvilloi stërvitjen me klubin e tij të ri.

“ E dija që do të arrija lart, pasi kisha shumë besim te cilësitë e mia dhe te puna ime, ndaj e prisja. Fakti që kam jetuar këtu dhe që njoh mirë gjuhën, më ka ndihmuar shumë, në çdo gjë. Si në stërvitje, në të kuptuarit e ushtrimeve, në komunikim e çdo gjë tjetër”, tha Skuka në një intervistë të dhënë ditën e djeshme.

Vlen të përmendet edhe se klubi i Partizanit ruajti edhe 20% të kartonit në rast rishitjeje.