Ndarja mes Cristiano Ronaldos dhe Jorge Mendes është një temë që po diskutohet prej kohësh.

Këtë e ka konfirmuar edhe gazeta ‘El Mundo’ përmes një informacioni ku shpjegon se largimi i portugezit nga Manchester United ishte pika kulmore e distancimit.

Sipas gazetës së lartpërmendur, CR7 i ka dhënë agjentit të tij ultimatumin e mëposhtëm: “Më dërgo te Bayerni ose Chelsea, ndryshe do të ndahemi”.

Përfaqësuesi i tij do t’i përgjigjej me “je i çmendur” dhe nuk do ta dërgonte dot në asnjërën nga dy skuadrat.

Përfundimisht, ai u angazhua vetë për t’u transferuar tek Al Nassr i Arabisë Saudite.

Në ‘El Mundo’ thuhet se të dy tashmë kishin disa fërkime, që kur Cristiano Ronaldo u largua nga Real Madridi.

Lojtari donte të ishte një agjent i lirë për të qenë në gjendje të balanconte pagën e tij me atë të Leo Messit, por Mendes e këshilloi të qëndronte në klubin e bardhë: “Qëndro te Real Madridi. Nëse largohesh do të jetë më keq për ty”.