Dëmtimi i Armando Brojës dhe qëndrimi jashtë fushave të lojës deri në fund të këtij sezoni, ka detyruar Chelsea-n që të hyjë në merkato për një futbollist në repartin e avancuar.
Kështu, pak ditë para hapjes së merkaton së dimrit, blutë zyrtarizuan pasditen e kësaj të mërkure marrëveshjen e arritur me Molden në Norvegji, për transferimin e sulmuesit nga Bregu i Fildishit, David Datro Fofana (20 vjeç). Shuma e transferimit nuk është bërë e ditur por shtypi anglez flet për një çek prej 12 milionë eurosh.
“ Chelsea FC ka arritur një paramarrëveshje me Molde FK për transferimin e David Datro Fofana -s ”, thuhet në deklaratën e shkurtër nga skuadra londineze. Ai është një nga shpresat e mëdha të futbollit afrikan, i cili tashmë ka veshur fanellën e Elephants (2 herë) dhe autor i 21 golave dhe 7 asistimeve këtë sezon në 37 ndeshje në të gjitha kompeticionet.
© SYRI.net
Bëje LIKE dhe merr lajmin e fundit nga Sporti: