Bylis arriti të rikthehej te fitorja pas tetë ndeshjeve. Në Rrogozhinë, ballshiotët mposhtën Egnatian me golin e Flamur Ruçit, i cili ia dedikoi festën vëllait të tij që humbi jetën pak ditë më parë. Pas ndeshjes, heroi i ndeshjes foli për mikrofonat e Oversport.

“Faleminderit te gjithë ata që më mbështetën, ka qenë një ngjarje jo e lehtë. Si unë si familja si ekipi, të gjithë. Golin ja dedikoj atij. Jam shumë i lumtur për goli por edhe për tre pikët. Vinim nga 8 ndeshje pa fitore dhe na duheshin pikë.”