La Gazzetta Dello Sport raporton se Paulo Dybala do t’i nënshtrohet ekzaminimeve mjekësore në fundjavë. Në ditët në vijim “La Joya” do të kuptojë nëse do të jetë gati për Kupën e Botës ose jo. Argjentinasi po punon fortë me stafin mjekësor që të hedhur pas krahëve dëmtimin.
Ish-sulmuesi i Juventusit vazhdon të jetë jashtë fushe për shkak të një dëmtimi të pësuar më 9 tetor në fitoren 2-1 të Romës ndaj Lecces. Dybala po kryen seanca fizioterapie dy herë në ditë duke punuar rreth 4 orë.
Trajneri i përfaqësueses së Argjentinës Lionel Scaloni do të shpallë të premten skuadrën e tij provizore për Kupën e Botës ku me shumë gjasa Dybala do të jetë pjesë e saj.
Megjithatë, kjo nuk do të thotë se Dybala do të jetë në listën përfundimtare të Kupës së Botës, e cila publikohet në muajin e ardhshëm. Me 13 nëntor Serie A përfundon, një javë para fillimit të botërorit. Mbetet për t’u parë nëse lojtari do të rikuperohet në kohë.
© SYRI.net
Bëje LIKE dhe merr lajmin e fundit nga Sporti: