Formacioni i Partizanit është plot dilema përpara kësaj ndeshjeje ndaj Vllaznisë.
Dyshimet nisin që nga porta, pasi në përballjet e fundit Rexhepi nuk ka treguar sigurinë e duhur dhe trajneri Kolela u tregua i dyzuar për zëvendësimin e tij në deklaratën pas derbit.
Shanset më të mëdha janë që në portë të rikthehet Alban Hoxha. Nga ana tjetër, Telushi, i cili shfaqi probleme muskulore në derbi, është në dyshim.
Ai u pa të stërvitej me pjesën tjetër të skuadrës në mbrëmjen e djeshme, por mbetet për t’u parë nëse do të luajë.
Siç dihet, në këtë sfidë mungon Matondo.
Mbrojtja pritet të jetë e njëjta me atë të derbit, ndërkohë që në mesfushë Rrapaj, Murataj dhe një mes Hotit e Telushit pritet të përbëjnë këtë repart.
Në sulm më shumë mundësi kthehet Cara, krah Da Silvës dhe Skukës.
© SYRI.net
Bëje LIKE dhe merr lajmin e fundit nga Sporti: