Antonio Cassano vijon të qëndrojë i palëkundur sa i takon mendimit rreth Erling Haaland.
Edhe pse e gjithë bota e futbollit është dëshmitare e cilësive sulmuese të norvegjezit, ish-lojtari thekson se Haaland shënon gola që edhe lojtarët e Serisë B mund t’i realizojnë.
Ndërkaq, Cassano shton se Haaland nuk do të ketë kurrë klasin e lojtarëve si Totti apo Pirlo.
“Haaland nuk do të ketë kurrë klasin e lojtarëve si Totti, Riquelme, Aimar, Pirlo apo Cassano. Shënon ato gola të cilat edhe lojtarët e Serisë B mund t’i realizojnë, mua futbolli i tij nuk më emocionon.
Mund të shënojë edhe 100 gola për ndeshje, por gjithnjë do të vuajë sa i takon pjesëmarrjes në lojë. Është i fortë, por jam i bindur kur them se për mua nuk është special. Ai teknikën dhe klasin nuk do ta ketë kurrë”, u shpreh Cassano.
© SYRI.net
Bëje LIKE dhe merr lajmin e fundit nga Sporti: