Robert Lewandowski po shënon me të njëjtat ritme si në Gjermani dhe ka arritur tashmë të barazojë legjendat e futbollit botëror me statistikat e tij.
Në ndeshjen e sotme të Barcelonës ndaj Majorkës, ai gjeti përsëri rrugën e rrjetës dhe ky gol, e bëri atë lojtarin e parë që nga vitit i largët 1997 që shënonte 8 gola në 7 ndeshjet e para në La Liga.
Asokohe këtë shifër e kishte arritur Kristian Vieri me fanellën e Atletiko Madrid.
Kështu, Lewandowski u bë i katërti lojtar në historinë e La Liga që shënonte 8 apo më shumë gola në 7 ndeshjet e tij të para.
Këtë më parë e kishte bërë Kubala me Barcelonën në vitin 1951, Di Stefano me Real Madrid në vitin 1953 e pastaj vetëm Vieri në vitin 1997.
Tashmë është radha e Lewandowskit i cili me formën që po tregon, garanton rekorde të tjera me fanellën katalanase.
© SYRI.net
Bëje LIKE dhe merr lajmin e fundit nga Sporti: