Vëmendja kryesore sonte padyshim se do të jetë në ndeshjen mes Hungarisë dhe Italisë, në kuadër të Ligës së Kombeve.

Kjo ndeshje do të përcaktoj edhe skuadrën fituese të Grupit 3 në Ligën A.

Skuadra lidere pastaj do të sigurojë pjesëmarrjen në finalet ose në fazën e “Play-Off”-it në Ligën e Kombeve.

Hungaria momentalisht prin në këtë grup me 10 pikë, dy më shumë se Italia, që renditet e dyta.

Pra, italianët sonte do të synojnë vetëm fitoren, kurse hungarezët do të ishin të kënaqur edhe me një barazim.

Ndeshja do të zhvillohet nga ora 20:45, në “Puskas Arena” të Budapestit.