Mungon zyrtarizimi, por Victor da Silva do të mbajë veshur fanellën e Partizanit, duke nisur nga sezoni i ardhshëm.

Ish-futbollisti i Vllaznisë është vënë nën urdhrat e trajnerit italian Colella pasditen e së mërkurës dhe në disa foto të hedhura në faqen zyrtare të “Demave” vërehet prania e mesfushorit me tipare sulmuese në skuadrën kryeqytetase, megjithatë ende mungon federimi i lojtarit.

Arsyeja? Mund të jetë çështje orësh që Partizani ta bëjë zyrtare firmën me brazilianin Victor da Silvan. Në fakt, pas përfundimit të kontratës me kuqeblutë, 27-vjeçari iu bashkua për një kohë të shkurtër skuadrës qipriote Olympiacos Nicosia, me të cilën duket se ende nuk e ka zgjidhur kontratën.